Michelangelo Faggioli (1666 - 1733) STO’ PAGLIETTA PRESUNTUOSO
Cantata
Sto’ paglietta presuntuoso
Sto’ paglietta presuntuoso
va deritto comm’a fuso
ne vo justo cammenà.
Parla e fa lo gemme gemme,
certo è peo de Salemme,
à do arriva vò gabbà.
E nò crocco de chianca,
nò piezzo de rognone
fuceto da lo cuollo allo tallone.
Ha ‘na cera de ‘mpiso,
ogn’uno lo jastemma:
“fuss’acciso”.
Strilla lo fruttajolo:
“arrosso, vavatene truffaiolo”.
Dice lo tarallaro:
“no t’accostà, ‘te sciacco”.
“Mo’ vene parasacco”,
dice lo merciaiuolo.
E ‘nzomma a do’ compare
Siente de serra serra; e se isso
Non fuje che le stira la pella,
chi l’ammacca lo musso,
e chi la zella.
Paglietta zizi,
avite gnorsì,
la lopa sciù sciù,
che pate bù bù;
li turre petirre
e naniana, ah, ah, ah,…
Vorrisse tu affè
Compare nènè,
de raffe po’ po’,
lo piscia portelle
lo vienne chà ‘lla.
